Կարտինալ Սանտրին Կը Միանայ Ֆրանչիսկոս Քահանայապետի Աղօթքին` Միջերկրականի Մէջ Մահացած
Գաղթականներու Դիտաւորութեան ։
Արեւելեան Ժողովի Կառավարիչը` Կարտինալ Լէոնարտօ Սանտրին, Սուրբ Աթոռի մօտ Արժանթինի
դեսպանատան նախաձեռնութեամբ կազմակերպուած` ''Մարեմեան'' ցուցահանդէսի բացումը կատարելով,
միութիւն յայտնած է Միջերկրականի մէջ մահացած գաղթականներու դիտաւորութեան Սրբազան Քահանայապետի
աղօթքին, ու մաղթած է որ յոյսը երբեք չի փարատի անտարբերութեան պատճառաւ։ Կարտինալ Սանտրին
հուսկ աղօթած է Միջին Արեւելքի ու յատկապէս Սուրիոյ խաղաղութեան համար` Աստուածամօր
հովանիին յանձնելով բնակիչներու ապահովութիւնը։ Յայտնենք որ Արեւելեան Եկեղեցիներու Ժողովի կառավարիչը, վաղը` չորեքշաբթի 9 հոկտեմբերի առաւօտեան ժամը 8-ին, Սուրբ Պետրոս առաքելապետի դամբանին վրայ, պիտի գլխաւորէ Սուրբ Պատարագի արարողութիւն մը Լամբետուզայի նաւաբեկութաեն զոհերու դիտաւորութեան։ Սոյն արարողութեան իրենց մասնակցութիւնը կը բերեն նաեւ Եւթոպական Քահանայապետական Վարժարանի անդամները։
| All the contents on this site are copyrighted ©. |